O alcalde de Cervo, Alfonso Villares, sinalou que “lamentamos as présas da FEGAMP por facer público o informe do financiamento dos concellos sen o debate e a análise previa no propio seo do organismo e coa administración autonómica”.
O vicepresidente primeiro da Fegamp apunta que o problema máis urxente para as entidades locais, tal e como me trasladan moitos alcaldes e alcaldesas, “é a inflación desbocada que non se dá controlado e que pon a economía dos concellos -sobre todo dos máis pequenos- contra as cordas”
Villares puxo como exemplo o caso de Cervo, “que recibe do Estado unha contía irrisoria que apenas chega para sufragar o 30% do incremento do gasto do día a día que estamos abocados a soportar desde as administracións locais”.
O rexedor cervense apunta que os gastos do día a día dos concellos están disparados “e o diñeiro que nos transfire o Estado non chega, nin por asomo, para afrontar esta realidade que oprime as arcas municipais”.
Villares puxo como exemplo as cifras do municipio que goberna, e que se poden extrapolar a calquera concello galego, “o que recibimos do Estado é unha contía irrisoria que non nos chega nin para comezar a sufragar o incremento, por exemplo, do gasto estimado en persoal, electricidade ou combustible”.
Este incremento cifrase en Cervo, este ano, en 316.524 euros –engade- dos cales o Estado sufraga 100.000 euros, unha contía que, evidentemente, “está moi lonxe de aliviar esta situación que asfixia, sobre todo, aos municipios pequenos”, subliñou.
