Un ano máis o Concello de O Vicedo organiza os mércores de natureza, que tratan de achegar aos visitantes e á xente en xeral lugares especiais tanto do noso municipio como do resto da Mariña e veciña comarca de Ortegal. Ao longo dos meses de xullo e agosto haberá distintos tipos de actividades e por moi distintos lugares, predominando as actividades de mar/río en kayaks, o sendeirismo e, un ano máis, un par de xeorutas que descubren unha parte moi interesante do noso concello.

Este mércores ás 16:30 h na praia de Arealonga será a primeira actividade cunha xornada especial de presentación con posibilidade de participar en kayaks ou en táboas de paddle SUP a un prezo especial de 10€ por persoa. A inscrición para as actividades debe facerse no 982 59 01 95 ou en omix@concellodovicedo.org