O Vicedo acolleu o concurso de figuras de area este pasado venres. A nova edición celebrouse na praia de Abrela cun total de 26 participantes en categorías de infantil a adultos e con premios para os dous primeiros clasificados.
Na categoría de 3 a 5 anos quedaron segundas clasificadas Mariña (3 anos) e Carmela (5 anos) con “Castillo Mariña” e Mario (4 anos) gañou o primeiro premio con “Mosi”.
Na categoría de 6-10 anos os segundos clasificados foron Mario (8 anos), Marina (8 anos) e Alex (3 anos) con “MMA”. Neste caso Lara (7 anos) alzouse coa victoria con “Pirámide Lara”.
Na penultima categoría, 11-16 anos, Julian e Anaïs, ambos con 15 anos de idade, quedaron segundos clasificados coa “Sirena Anaïs” e Celia (11 anos), Aroa (12 anos) e Lara (9 anos) gañaron o primeiro premio con “Isla Tortuga”.
Na categoría de adultos Alba e María Teresa foron as segundas clasificadas con “Vicedo Booguey” e Hector e Albert conseguiron o primeiro premio con “Cangrejo Ermitaño”. A organización agradece a participación do público e do xurado.
