Dúas persoas resultaron feridas, das cales unha foi trasladada ao hospital en helicóptero medicalizado, tras unha saída de vía ocorrida na LU-862, no concello lucense de O Vicedo.
Segundo informa o 112 Galicia, foron varios os particulares os que chamaron á central de emerxencias pouco antes das 16,00 da tarde para alertar deste accidente ocorrido na parroquia de Suegos. Ademais, indicaban que polo menos unha persoa parecía ter dificultades para abandonar o coche.
Seguidamente, o 112 puxo a situación en coñecemento de Urxencias Sanitarias-061, que comunicou a mobilización do helicóptero medicalizado con base en Santiago. Así mesmo, pasouse o aviso aos bombeiros, que tiveron que liberar a un dos feridos, que logo foi evacuado ata o Chuac da Coruña. O outro afectado foi atendido no lugar dos feitos. Tamén se avisou aos axentes da Garda Civil de Tráfico, aos membros de Protección Civil da localidade e ao persoal do servizo de mantemento das estradas.
