O Concello do Vicedo promove unha marcha que se celebrará este venres, 16 de xullo, contra o peche da última oficina bancaria do municipio, unha sucursal de Abanca.
O alcalde do Vicedo, o popular Jesús Novo, convocou un pleno extraordinario para o venres co fin de que a corporación –formada por seis concelleiros do PP e tres do PSOE– aprobe unha declaración conxunta contra a clausura desta sucursal.
Tras a celebración do pleno –que comeza ás 11,00 horas–, partirase en manifestación ata a localización da sucursal, nunha protesta á que chaman a participar aos veciños.
O alcalde destaca a “unanimidade” da corporación para condenar o “desmantelamento” de servizos no municipio. En concreto, esta oficina bancaria trasládase A Covas, no Concello de Viveiro.
“En realidade non é un traslado, senón que se marchan de aquí. En principio ían pechar o caixeiro automático tamén, pero agora vano a deixar tres meses máis”, afirma o rexedor. Anteriormente, o Santander pechou tamén unha oficina no municipio.
Finalmente, Jesús Novo advirte que estudarán deixar de facer operacións con Abanca se finalmente desmantélase” esa sucursal do Vicedo.
