A Casa da Cultura do Vicedo, dentro do seu programa “Ler Conta Moito”, trae unha nova actividade de animación á lectura entre os máis pequenos.
O acto será o xoves 30 ás catro e media da tarde no Salón de Actos da Casa da Cultura. Será a actuación do clown Moc Moc, que como sinala no seu cartel é “un clown para o que os roles entre homes e mulleres non están marcados”.
Así, mostrará que as tarefas domésticas non son aborrecidas ademais de que deben repartirse entre todos. Todo isto con malabares, equilibrios e moito humor en directo.
A entrada é gratuíta.
