O PP acusa á Deputación de Lugo de marxinar a Ourol e ao alcalde de “falta de peso” no PSOE

O PP de Ourol declara que ante o atraso na roza das beiras de pistas e camiños, "a Deputación tenta facer responsable á empresa" encargada.


O portavoz do PP de Ourol, José Hermida, sinala nunha nota de prensa que “foi quedando totalmente claro que a capacidade de xestión presidente da Deputación de Lugo, José Tomé é moi escasa”. Xunto a isto, Hermida considera que o goberno provincial desatende concellos mesmo gobernados  polo PSOE.

Hermida pon como exemplo da desatención que menciona “que a deputación aínda esta comezando os traballos de roza nas estradas provinciais a estas alturas do ano”. Ante esta situación, o portavoz popular en Ourol declara que o alcalde, o socialista José Luis Pajón “carece de peso no PSOE e que o presidente da Deputación non o ten en conta”.

Para o portavoz popular, “é moi grave que a roza non se levara a cabo ata agora, porque supón crear riscos absolutamente innecesarios”. Entre os riscos apuntados están “o risco para o tráfico rodado e peonil, porque en moitos puntos a maleza limitaba e limita moito a visibilidade”.

No PP cren que o goberno provincial intenta facer responsable do retraso á empresa encargada dos traballos.

RESPOSTAR

Please enter your comment!
Please enter your name here