InicioOccidentalViveiroA pista polideportiva Parquemar de Viveiro conta cun novo valado de 42...

A pista polideportiva Parquemar de Viveiro conta cun novo valado de 42 metros de aceiro inoxidable

"Damos resposta ás demandas veciñais e continuamos co plan de mellora continua dos servizos e infraestruturas municipais", afirma a alcaldesa, María Loureiro.

Publicada o

- Advertisement -

O Concello de Viveiro realiza de forma periódica tarefas de mellora e mantemento nas súas instalacións, como as que acaba de rematar na pista deportiva de Parquemar.

Neste caso, trátase da montaxe dun valado lacado en verde de 42 metros que inclúe unha porta de acceso e está composto por 16 columnas en tramos de 3 metros, construído en chapas de aceiro inoxidable e con parafusos.

“Damos resposta ás demandas veciñais e continuamos co plan de mellora continua dos servizos e infraestruturas municipais”, afirma a alcaldesa, María Loureiro.

A pista deportiva de Parquemar está situada nunha das zonas con maior densidade de poboación de Viveiro e supón un centro neurálxico de ocio para a rapazada de todas as idades.

A instalación deste valado únese á colocación no pasado mes de marzo dunha columna de 10 metros con tres proxectores de 100 vatios para reforzar o alumeado deste parque infantil.

Ademais destes traballos, o Concello de Viveiro continúa realizando labores como a reparación e suxeición dos elementos de xogo ou a substitución dos elementos deteriorados.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...