A portavoz do BNG en Viveiro, Míriam Bermúdez reclamou a mellora da zona de Verxeles. Segundo os nacionalistas, a formación xa rexistrara hai un ano unha moción en pleno para cambiar a situación desta zona que cualificaban “de abandono”.

Engadían tamén a falta de planificación nas poucas actuacións no lugar, traendo como resultado “un lamentábel e perigoso estado das beirarúas, esvaradías e totalmente irregulares en anchura e desnivel”.

Míriam Bermúdez destacou ademais a “baixa visibilidade que teñen os vehículos cunhas entradas e saídas que non se colle en ambas direccións, sen visibilidade e que provocan encontros repentinos e inesperados.” Bermúdez engade a isto “o descontento da veciñanza pola ubicación dos colectores do lixo, ao lado da fonte de Xunqueira e os bancos, nos que se reúnen as persoas tendo que aguantar malos olores ademais da contaminación visual que provocan.