O BNG de Viveiro quere presentar unha moción para protexer a pesca fronte a eólica mariña. Para iso lembran que a plataforma continental en Galicia é moi estreita que provoca que os proxectos se sitúen a tan só 20-25 quilómetros, en espazos de alta sensibilidade ambiental e de alta produtividade pesqueira.

Acusan ao Goberno do Estado de defender dos intereses das grandes empresas eléctricas e enerxéticas, desatendeu todas as alegacións achegadas polo BNG, asociacións ecoloxistas ou as propias confrarías. Compre lembrar que o 3 de maio de 2022 o Parlamento europeo aprobou unha resolución que determinaba que os caladoiros históricos e tradicionais específicos dos mariñeiros deberán estar libres de enerxía eólica mariña. Apuntan tamén que a Xunta de Galicia, en vez de encabezar a defensa do sector pesqueiro, “está a poñerse de perfil, cun silencio cómplice”.

Polo exposto, a portavoz do BNG de Viveiro Míriam Bermúdez presentou unha serie de puntos:

Instar ao goberno español á retirada inmediata dos Plans de Ordenación do Espazo Marítimo. A declarar a costa galega zona excluída de eólica mariña para garantir o futuro do sector pesqueiro. E a preservar o sector pesqueiro e o futuro de miles de familias que viven do mar.

Instar ao Parlamento galego a que retorne ao consenso unánime de 2009, para deixar Galicia libre de eólica mariña porque esa petición sigue sendo igual de válida que antes.

Instar á Xunta de Galicia a que defenda por todos os medios ao sector pesqueiro galego, loitando para que Galicia estea libre de eólica mariña.

Trasladar este acordo aos grupos do Parlamento galego e do Congreso, así como á Xunta de Galicia e ao Ministerio de Transición Ecolóxica.