O Parque de Bombeiros de Viveiro volveu a permanecer pechado na xornada deste xoves, do mesmo xeito que ocorreu xa o pasado luns, pola ausencia dun traballador previsto nos servizos mínimos.
Segundo informou a Deputación de Lugo, do tres efectivos convocados para cubrir os servizos mínimos nos parques de Chantada e de Viveiro, só presentáronse dous en cada base.
Así, o Consorcio Provincial contra Incendios e Salvamento de Lugo tratou de mobilizar outros profesionais de distintos parques, pero non foi posible porque o persoal que está a traballar está a cubrir os servizos mínimos nos seus respectivos centros. Tamén se tratou de avisar a efectivos reténs, pero non se presentaron.
“Ante esta situación, dado que non se cumprían os servizos mínimos destes dous parques e atendendo á premisa de dar cobertura á maior zona e poboación posible, o Consorcio procedeu a recolocar aos dous efectivos do parque de Viveiro, un en Chantada e outro en Barreiros”, engadiu a Deputación, explicando que o centro de Viveiro permanecerá pechado ata o venres ás 09.00 horas, do mesmo xeito que ocorreu este mércores co de Chantada pola mesma casuística.
