Adrián Quintana, un neno de oito anos de Meira (Ortigueira), gañou o concurso de pezas audiovisuais convocadas por Galipizza en relación co Resurrection Fest. Como premio, o pícaro gozará de entradas para o festival de por vida e comida gratuíta no establecemento durante os días nos que se celebre o encontro musical de Celeiro.
Galipizza impulsou o certame dentro das actividades realizadas polo seu 25 aniversario. A empresa instou a gravar unha peza audiovisual que combinara tres ingredientes: a pizza, o Resurrection Fest e Kiss. Presentáronse un total de doce creacións.
Adrián, habitual do festival e que está aprendendo a tocar a guitarra, triunfou con ‘Eu Quero ir ao Resurrection‘, unha versión de ‘I Wanna Rock N Roll All Night‘ de Kiss cantada por el mesmo en galego.
Jacobo Ríos e os irmáns Latorre, de Sevilla, gañaron o segundo premio -con entrada e comida gratuíta para a edición de 2018- con ‘Viveiro Rock City‘, unha curtametraxe que versiona a película ‘Detroit Rock City‘.
