O Concello de Viveiro acordou este luns a concesión da licenza de obra para a construción do Centro de Atención e Información da Seguridade Social (CAISS). A subdelegada do Goberno en Lugo, Isabel Rodríguez, anunciou que o Executivo presentará novo proxecto “nas próximas semanas”.
O edificio situarase na avenida de Ramón Canosa, no barrio de Lodeiro, e aspira a solventar os problemas de espazo da actual sede, na casa do mar de Celeiro. O Instituto Nacional da Seguridade Social (INSS) ostenta un solar de case 1.500 metros cadrados na zona, que nos últimos anos se utilizou de forma itermitente como aparcadoiro.
o proxecto aspira a solventar o problema de espazo da actual ubicación, na casa do mar de celeiro
DÉCADAS DE DEMANDA
A construción dun novo edificio da Seguridade Social é unha demanda da sociedade viveirense que se remonta a finais do século pasado. Coa instalación da nova sede, a zona -ubicada á entrada da vila desde Celeiro- albergará boa parte das dotacións públicas de Viveiro, xa que tamén están situadas neste punto a Comisaría de Policía e o Servizo de Correos, ademais do centro de saúde.
