O Concello de Viveiro informa que, co obxectivo de cumprir coas competencias municipais no relativo ás praias, o goberno local ditou un bando recordando varias normas que afectan aos animais domésticos nestes espazo
Así, prohíbese a estancia e/ou circulación de animais domésticos nas praias do termo municipal. Doutra banda, os animais domésticos deben levarse polas vías públicas suxeitos mediante correa que permita o seu fácil control.
Por último, o concello lembra que, como norma básica de urbanidade, os donos de animais que circulen polas vías públicas, estarán obrigados a recoller as deposicións dos mesmos e depositalas en papeleiras ou contedores.
O Concello de Viveiro basea este novo bando no artigo 113 da Lei de Costas, de 28 de xullo de 1988, que atribúe competencias municipais no dominio público marítimo terrestre estatal para manter as praias e lugares públicos de baños nas debidas condicións de limpeza, hixiene e salubridade.