Centenares de veciños apoian aos traballadores de Vestas e claman ante a “morte” da Mariña

Piden unha saída de futuro e apelan ás administracións a que medien no conflito.


Centenares de persoas saíron este sábado ás rúas de Viveiro  para mostrar o seu respaldo aos traballadores da factoría de Vestas ante o ERE anunciado pola empresa que afecta a 115 traballadores.

Os veciños de Viveiro volveron a arroupar ao persoal da fábrica percorreron as rúas da localidade mariñá nunha manifestación que arrincou ás 12,00 horas deste sábado e que supón “o pistoletazo de saída” ao calendario de mobilizacións que preparan os traballadores para reclamar unha saída de futuro ante o peche anunciado pola compañía.

Así o explicou o presidente do comité de empresa, David Mariño, que denunciou o peche decretado “sen a máis mínima alternativa” por parte da empresa, á que instan a repensar a decisión. Tamén se dirixen ás administracións e formacións políticas, a quen demandan que medien para alcanzar “unha alternativa” que consideran que pode pasar pola venda da planta.

“Falamos de que hai un problema neste momento, pero tamén é un problema a longo prazo”, incidiu o representante sindical, que advirte de que a situación aberta con Vestas únese á da Alcoa San Cibrao.

“A Mariña morre e necesitamos solucións”, incidiu, na liña de consígnalas que se puideron escoitar nunha protesta que percorreu as rúas de Viveiro baixo cánticos como “sen industria non hai futuro”.

Tras a mobilización deste sábado, os traballadores de Vestas realizarán outra o vindeiro martes en Santiago. Partirán das Cancelas para dirixirse á sede do Goberno galego no edificio administrativo de San Caetano, onde se reunirán co vicepresidente segundo e respsonable da área económica, Franciso Conde. “Necesitamos feitos, nin máis nin menos. É hora xa de que a clase política empezo a mover ficha”, reivindicou Mariño.

RESPOSTAR

Please enter your comment!
Please enter your name here