‘Sopa de Pedras’ fala de todas aquelas persoas que foxen da súa realidade en busca dunha oportunidade e chegan a un lugar onde se atopan unha sociedade que non ve ou non quere ver máis aló dela mesma e é incapaz de ver ao recentemente chegado como unha oportunidade e non como unha ameaza. Falando desta sociedade, falamos de todos nós e daquelas pedras que encontramos  na vida e que hai que converter en oportunidades e aprendizaxe.

‘Sopa de Pedras’ é a historia de Alma, unha nena que ten que fuxir do seu país, porque un día ve como o ceo, en lugar de cometas, se enche de avións. Despois dunha longa viaxe, chega a un lugar descoñecido, onde aparentemente todo o mundo ten de todo, pero ninguén quere compartir nada con ela. Con enxeño e intelixencia fai unha sopa de pedras que transforma o individualismo de todo un pobo nun traballo en equipo e dá unha lección de vida a todos aqueles que inicialmente lle pecharon as portas.