O PSOE de Viveiro renovou a súa Executivoa Local este pasado 7 de marzo, nunha Asemblea Extraordinaria. Nesta asemblea, María Loureiro García foi elixida como Secretaria Xeral por aclamación. Do mesmo xeito, foron escollidos tamén por aclamación os membros que integran o equipo executivo.
Tras a xuntanza referida, a Executiva Local do PsdG-PSOE en Viveiro queda formada por María Loureiro García, como Secretaria Xeral; Lara Fernández Fernández-Noriega, como Vicesecretaria Xeral ao cargo de Muller, Igualdade e Cultura; Mari Carmen Franco Díaz, como Secretaria de Organización; Vicente Hermida Rodríguez, á fronte da Secretaría de Política Municipal e Medio Rural; Covadonga Viamonte Aguiar, na Secretaría de Emprego, Industria, Comercio e Turismo; Óscar Canoura González, na Secretaría de Xuventude e Deporte; Victoria Baamonde Gómez, na Secretaría de Acción Social e Educación; e Jesús Fernández Fernández, na Secretaría de Facenda e Pesca.
Desde o PSOE viveirense sinalan que “este equipo afronta con esforzo, traballo e ilusión os retos que se lle presentan por diante, coa vontade de axudar a mellorar a vida dos veciños e veciñas e en beneficio de Viveiro”.
