Cargos socialistas da Mariña cargan contra o que consideran unha “traizón” a esta comarca do presidente da Xunta, Alberto Núñez Feijóo, na instalación da fábrica de Altri, que finalmente situará a súa planta de fibras téxtiles no municipio de Palas de Rei.

Representantes socialistas mantiveron un encontro en Viveiro, onde sinalaron que esta comarca é unha das principais produtoras de eucalipto de España e contaba coa “promesa” de Feijóo para a instalación de Altri para paliar a grave crise industrial que padece a zona.

Igualmente, reproban o “ninguneo” de Feijóo ao acordo do Parlamento galego, apoiado na Cámara polo PPdeG, para que esta fábrica se instalase preferentemente na Mariña. Por iso, anuncian accións para que se respecte o cumprimento do mandato do Parlamento de Galicia.

A este respecto, estenden os seus reproches polo seu “silencio” á presidenta do PP provincial de Lugo, Elena Candia; ao portavoz popular da Deputación, Javier Castiñeira; e aos alcaldes populares de Xove e Cervo, Demetrio Salgueiro e Alfonso Villares.

Ademais, os cargos socialistas denuncian o “amordazamento” da comarca despois de tres peticións de reunión da Mancomunidade de Concellos á Xunta.