InicioOccidentalViveiroA Rede Europea de Celebracións de Semana Santa, que inclúe Viveiro, candidata...

A Rede Europea de Celebracións de Semana Santa, que inclúe Viveiro, candidata a Itinerario Cultural Europeo

“A certificación como ‘Itinerario Cultural do Consello de Europa’ suporá unha garantía de excelencia para a nosa Semana Santa e a súa promoción internacional”, asegura a alcaldesa de Viveiro, María Loureiro.

Publicada o

- Advertisement -

A Rede Europea de Celebracións de Semana Santa e Pascua, da que forma parte o Concello de Viveiro, presentou ante o Consello de Europa a súa candidatura como Itinerario Cultural Europeo.

A exposición tivo lugar en Luxemburgo tras un intenso traballo desenvolvido durante os últimos tres anos. Nas próximas semanas coñecerase a resolución que, de ser positiva, permitirá á Rede posicionarse como un atractivo cultural de recoñecido valor en toda Europa.

“A certificación como ‘Itinerario Cultural do Consello de Europa’ suporá unha garantía de excelencia para a nosa Semana Santa e a súa promoción internacional”, asegura a alcaldesa de Viveiro, María Loureiro.

Lanzados polo Consello de Europa en 1987, os Itinerarios Culturais Europeos son unha invitación para viaxar e descubrir o rico e diverso patrimonio de Europa unindo a persoas e lugares en redes de historia e patrimonio compartidos. Poñen en práctica os valores do Consello de Europa: dereitos humanos, diversidade cultural, diálogo intercultural e intercambios mutuos a través das fronteiras.

Máis de 30 itinerarios culturais do Consello de Europa ofrecen unha gran cantidade de actividades de lecer e educación para todos os cidadáns, sendo recursos crave para o turismo responsable e o desenvolvemento sostible. Abarcan unha ampla gama de temas, desde a arquitectura, a paisaxe, as influencias relixiosas, a gastronomía, o patrimonio inmaterial, as principais figuras da arte, a música e a literatura europea.

A Rede Europea de celebracións de Semana Santa e Pascua creouse en 2019 para promocionar e difundir o patrimonio cultural, tanto material como inmaterial, relacionado coas celebracións da Semana Santa e Pascua.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...