IniciosociedadePiden seis anos de prisión para un home que agrediu a súa...

Piden seis anos de prisión para un home que agrediu a súa parella nun bar de Viveiro

O acusado tamén arremeteu contra diversas testemuñas presenciai e feriu a un deles.

Publicada o

- Advertisement -

O Ministerio Público pide seis anos de prisión para un home que presuntamente agrediu á súa parella nun bar de Viveiro e, posteriormente, provocou lesións a tres persoas que intermediaron e ameazou á doutora que o atendeu no centro de saúde.

Segundo narra o escrito de Fiscalía, os feitos sucederon en xullo de 2016, cando o acusado sostivo unha discusión coa súa parella nas festas de Celeiro no transcurso da cal presuntamente a agrediu. Este feito ségueo o Xulgado de Violencia sobre a Muller Nº1 de Xixón.

Nese momento, esta agresión foi reprochada por diversas testemuñas presenciais, contra os cales arremeteu o acusado e feriu a un deles. O Ministerio Público sinala ademais que o acusado persistiu na súa actitude violenta e chegou mesmo a tentar arrincar a barra dun dos bares da festa. Por este motivo, o camareiro do establecemento e un cliente lograron reducir ao acusado pero, cando o inmobilizaron e parecía que se acougaba, soltárono e tirouse de novo de forma violenta sobre un deles.

Segundo relata Fiscalía, o acusado tamén resultou lesionado como consecuencia destes feitos e tivo que ser trasladado á PAC de Viveiro. Alí, sinala, mostrouse violento e agresivo, tirándose ao chan e dificultando a asistencia sanitaria que se lle prestaba. Ademais, no momento no que a doutora procedía á sutura das súas feridas, o acusado tirou o instrumental médico ao chan e insultouna.

O Ministerio Público considera estes feitos imputables por un delito de lesións, dous delitos leves de lesións e un delito de atentado. Ademais indica que os feitos relativos á doutora serían constitutivos dun delito de inxurias cometidas contra funcionario público en exercicio do seu cargo. Por eles, a Fiscalía pide, de forma conxunta, 6 anos de prisión para o acusado, así como multas de 10 meses.

Así mesmo, solicita a prohibición de aproximarse aos agredidos a unha distancia inferior a 100 metros e de comunicarse con eles por calquera medio durante nove anos. Ademais, pide que se indemnice a un dos agredidos con 5.000 euros polas lesións sufridas e a outros dous con 300 euros a cada un. O xuízo terá lugar o vindeiro venres día 13 ás 10,00 horas na Audiencia provincial de Lugo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...