InicioOccidentalViveiroA alcaldesa de Viveiro pide por carta unha reunión co presidente da...

A alcaldesa de Viveiro pide por carta unha reunión co presidente da Xunta para tratar temas como o PXOM

“Son moitos os temas que afectan á vida diaria dos nosos veciños que necesitan unha maior colaboración entre as administracións local e autonómica”, engade a alcaldesa de Viveiro, María Loureiro.

Publicada o

- Advertisement -

A alcaldesa de Viveiro, María Loureiro, envioulle unha carta ao novo presidente da Xunta, Alfonso Rueda, para pedirlle unha reunión na que falar de asuntos de vital importancia para o municipio nos que ten competencias o goberno galego.

“En primeiro lugar, quero transmitirlle a miña sincera noraboa polo seu recente nomeamento como presidente da Xunta de Galicia, cos mellores desexos para esta nova etapa que agora inicia e tendo en conta que todos os seus acertos redundarán positivamente nos galegos e galegas; quero, asemade, brindarlle a total colaboración deste concello para traballar de forma conxunta e coordinada en beneficio dos veciños e veciñas de Viveiro”, afirma Loureiro na carta.

“Neste sentido, gustaríame poder manter unha xuntanza con vostede na que poder tratar sobre diversos asuntos de importancia para este concello que, por poboación, é o terceiro máis grande da provincia de Lugo. Entre as cuestións que me gustaría falar, inclúese o Plan Xeral de Ordenación Municipal ou temas vinculados ao seu futuro industrial”, apunta a alcaldesa.

Hai tamén outros temas pendentes como a Vía de Alta Capacidade da Costa Norte; o saneamento da ría; a colaboración da Xunta co Conservatorio Profesional de Música de Viveiro; a reconstrucción de Xunqueira; a conexión de Viveiro con Cabreiros, o Museo da Semana Santa, ou a mellora, reorganización e humanización da fachada marítima de Viveiro.

“Son moitos os temas que afectan á vida diaria dos nosos veciños que necesitan unha maior colaboración entre as administracións local e autonómica”, engade a alcaldesa de Viveiro, que espera que o presidente da Xunta teña en canto o antes posible a súa demanda para reunirse.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...