Viveiro celebrou este domingo o Corpus Christi, unha cita na que os tapices florais embelecen a vila. Esta tradición recuperou a súa celebración habitual tras dous anos limitada pola pandemia.

Dende o Concello de Viveiro agradécese o traballo da Hermandad de Mujeres de la Santa Cruz de Viveiro na realización destes tapices florais. Un agradecemento que se estende a todas as persoas que colaboran coa organización, cuxo esforzo mantén viva a tradición dos tapices florais en Viveiro.

Á misa do Corpus Christi, celebrada onte na igrexa de Santa María, acudiron o alcalde en funcións, Jesús Fernández; a subdelegada do Goberno en Lugo, Isabel Rodríguez; varios concelleiros da Corporación Municipal así como membros dos corpos e forzas de seguridade.