O Concello de Viveiro acolle este sábado a quinta edición do festival de música electrónica Ether nos Xardíns Noriega Varela.

O evento foi presentado este mércores pola alcaldesa de Viveiro, María Loureiro, a concelleira de Cultura, Lara Fernández Fernández-Noriega, e os organizadores do festival, que convertirá ao concello este sábado na capital da música electrónica en Galicia.

“Dentro da nosa programación cultural, variada e para todas as idades, chega agora a quenda do festival Ether, xa unha referencia para os afeccionados á música electrónica”, afirma a alcaldesa.

Na edición deste ano se aposta por un cartel moi completo en canto a artistas e variedade de estilos. A oferta divídese en dous partes: Etherkids, con obradoiros e actividades para nenos os días previos ao festival, e a propia xornada do sábado.

O festival comezará coa sesión vermú, que conectará co resto das actuacións con presenza de artistas nacionais e internacionais de Techno, House e Disco.