As críticas do PP de Viveiro: “É unha vergoña que a alcaldesa non trouxera unha gran orquestras para animar a verbena”

Critica ao gobrno local por ”castigar” sen orquestras aos veciños de Viveiro e a cantos visitantes se atopaban na cidade nos días en que se celebraron as festas.

Orquestra Panorama. AXM

“Non hai maneira de entender por que o goberno municipal non incluíu no programa das pasadas festas de Viveiro algunha verbena animada por algunha das orquestras que máis seguidores teñen nestes momentos en Galicia”. É a denuncia do portavoz popular de Viveiro, Óscar Rodríguez, fai contra a rexedora da localidade suliñando que así llelo trasladaron algúns veciños.

“No PP querémonos facer eco da queixa xeralizada entre os nosos veciños polo feito de que o Concello non contratara nin unha orquestra nas pasadas festas; é inaudita tal carencia no programada, cando as verbenas recobraron toda a súa puxanza, como se pode ver en moitos concellos de Galicia”, sinala nun comunicado.

Así, lembra que, “moitos dos nosos veciños, de todas as idades, pero especialmente os novos, saen de Viveiro en gran número para asistir a festas e verbenas nas que actúan as orquestras da súa preferencia”. Por iso, “é triste que non puideran disfrutar na súa cidade do espectáculo que son algunhas das moitas grandes orquestras que hai en Galicia”.

Óscar Rodríguez non entende que puido motivar ao goberno de Viveiro, en xeral, e a alcaldesa, en particular, a ”castigar” sen orquestras aos veciños de Viveiro e a cantos visitantes se atopaban na cidade nos días en que se celebraron as festas.

Rodríguez sinala que é “unha carencia especialmente chamativa”, polo feito de que no pasado mes de abril o Concello aportou 15.000 euros a unha asociación, de fóra de Viveiro, que trouxo á cidade unha orquestra e ademais puxo os servizos necesarios en casos así, entre eles, o de limpeza.

1 COMMENT

  1. Partido de Palurdos. Se queren as súas festas de pelanduscas de pago e café nasal que as paguen eles e, se acaso, despois vaian ao carcere que é onde teñen que estar. Vaia panda de mafiosos e que cuajo. Colgando ovellas mortas e manipulando todo o que tocan con tal de gañar máis pasta a costa de todos. Xentalla.

RESPOSTAR

Please enter your comment!
Please enter your name here