O Concello de Viveiro informa do comezo dos prazos de inscrición para os cursos infantís de natación durante o curso escolar 2022/23 na piscina municipal. ‘Natación infantil’ ofértase para crianzas nadas entre 2017 e 2018, mentres que ‘Natación nenos’ se dirixe ás nadas entre 2009 e 2016. As escolas, pola súa banda, ofertaranse para os nados entre 2016 e 2007.
A preinscrición ao comezo do curso farase de maneira presencial ou telefónica, e posteriormente sortearanse as prazas. Cada neno ou nena poderase preanotar nun único grupo e asignaráselle un número no momento da preinscrición. Será preciso facer unha proba de nivel co fin de asignar cada alumno no grupo correspondente.
Para o primer trimestre do curso, o prazo de preinscrición é do 5 o 22 de setembro e o sorteo farase o dia 23 de setembro. A data de comezo do terceiro trimestre será o 3 de outubro e as clases finalizarán o 22 de decembro. As crianzas que gañen unha praza no seu grupo quedarán automaticamente inscritas, e de non estar finalmente interesadas, deberán comunicalo no prazo de dous días.
O sorteo será aberto ao publico, farase na piscina municipal as 11.00 horas do día 23 de setembro. O resultado será publicado no tablón da piscina municipal e nas redes sociais da Concellería de Deportes de Viveiro.