A Plataforma Sanitaria da Mariña denuncia o caos no Centro de Saúde de Viveiro ante a falta de médicos

En total tres médicas para os 16.000 habitantes de Viveiro máis as persoas desprazadas.


A Plataforma Sanitaria da Mariña recolleu este martes a sinaturas no Centro de Saúde de Viveiro. O motivo é a recollida de apoios para a ILP de medidas urxentes que permitan recuperar e fortalecer a Atención Primaria. Entre os asinantes estaba o persoal do propio centro.

“A situación en Viveiro este martes seguía a ser caótica” sinalan desde a Plataforma. Así, informaban que só había dúas médicas na quenda de maña, dun total de sete, e unha facultativa na quenda de tarde das tres que deberían estar. En total tres médicas para 16.000 habitantes de Viveiro máis as persoas desprazadas. O servizo de pediatría tamén é deficitario, funcionando só ao cincuenta por cento.

A Plataforma Sanitaria desprazarase mañá ao centro de saúde de Barreiros, onde levan días cunha soa médica dos tres que conforman a dotación. O dispositivo móbil recabará sinaturas desde as 10:30 horas ate as 12:30horas.

RESPOSTAR

Please enter your comment!
Please enter your name here