A Policía Nacional detivo na localidade lucense de Viveiro a unha muller acusada dun delito de tráfico de drogas.

Segundo explicou o corpo, os axentes tiveron coñecemento dun posible punto de venda de sustancias estupefacientes na localidade, polo que iniciaron un dispositivo de vixilancia e control.

Como consecuencia, sorprenderon na Avenida de Lourdes á muller, de 52 anos e con antecedentes previos, que portaba entre a súa roupa doses preparadas para a venda de cocaína e heroína.