O BNG viveirense sinala que a última empresa que xestionou o Matadoiro Comarcal desde 2014 até maio de 2021 non cumpriu “nin unha soa cláusula do contrato”. Os nacionalistas destacan que “ninguén do equipo de goberno” exixiu documentación ou revisou a explotación do matadoiro, “cumprindo coas cláusulas do contrato”.

Acusan á empresa de non ter pagado o canon anual establecido e tampouco realizou ningunha mellora “obrigadas por contrato provocando o deterioro das instalacións municipais (matadoiro)”.

Ademais, en novembro de 2021 propúxose unha resolución para reclamar por vía xudicial os case 64.000 euros que a empresa debe ao Concello de Viveiro. O BNG viveirense pide explicacións sobre o diñeiro que debe a empresa e por que non se ten licitado o servizo do matadoiro.