O Concello de Xove reparte entre os veciños e veciñas no Calendario para o Ano 2023. Este novo Calendario inclúe imaxes do fotógrafo xovense Emilio Pérez. Para darlle unha maior relevancia, recorreuse ao libro “A fonte da vida longa”, editado a finais dos anos oitenta e no cal os alumnos do Colexio Público de Xove recolleron unha serie de lendas populares baixo a coordinación de Marica Campo e Xosé González “Chema”, coas acuarelas de Xoan Guerreiro.

DÍA DA INFANCIA

O Concello de Xove vai celebrar mañá 4 de xaneiro o Día da Infancia con inchables durante todo o día. Os inchables vanse colocar na Piscina Municipal e no Pavillón de Deportes.

Teremos un número máximo de 30 persoas por turno, e poderase entrar ata 20 minutos depois de comezado o turno, sempre que haxa sitio.

MAÑÁN: (Nen@s e rapaces-zas).

De 11:00h. a 12:00h : de 5 a 8 anos.

De 12:00h. a 13:00h : de 9 a 11 anos.

De 13:00h. a 14:00h : de 12 a 15 anos

TARDE: (Nen@s e rapaces-zas).

De 16:30h. a 17:30h: de 12 a 15 anos.

De 17:30h. a 18:30h: de 9 a 11 anos.

De 18:30h. a 19:30h: de 5 a 8 anos

INCHABLES NO PAVILLÓN MUNICIPAL DE DEPORTES. Aquí non teremos límites de persoas.

O horario é de 16:00 a 20:00 horas ininterrumpido.

A entrada aos inchables da Piscina e do Pavillón é totalmente gratuita.