Dentro do Programa de actividades que a Concellería de Cultura do Concello de Xove programou para este Nadal, este mércores estarán abertos durante todo o día inchables na piscina e no pavillón, dentro do Día da Infancia.
O día 5 de xaneiro celebrarase a Cabalgata de Reis que comezará ás 19:00 horas, saíndo da nave-almacén do Concello (ao carón do Campo Municipal) e rematará, coma sempre, no Pavillón de Deportes.
Os Reis, antes da Cabalgata, farán unha visita previa aos nosos velliños na Residencia San Bartomeu. Para rematar, unha vez finalizada a Cabalgata, todos os participantes poderán disfrutar de música cunha Disco-Móbil no Pavillón.
