A Concellería de Cultura do Concello de Xove organizou este luns 25 de setembro, a segunda actuación dentro do Programa Ler Conta Moito 2023, programa patrocinado pola Consellería de Cultura da Xunta de Galicia e dirixido ás Bibliotecas Públicas co fin de promocionar a lectura e todo o relacionado co mundo das bibliotecas. 

A escritora Paula Carballeira, Premio Nacional de Literatura Dramática 2023, foi a encargada da actuación de hoxe coas súas “Historia de Arrepio”, ousexa, os chamados “contos de medo”. Esta actuación dirixiuse aos rapaces de 1º, 2º, 3º e 4º de ESO do IES Illa de Sarón  de Xove.