Os vindeiros días 4, 5 e 6 de abril o Concello de Xove vai recibir a unidade móbil do programa “COIDADOS PORTA A PORTA” promovido dende a Consellería de Política Social.

Este programa ofrece servizos de audioloxía, podoloxía e estimulación da memoria, para maiores de 55 anos, que poderán acceder gratuitamente aos diferentes servizos que se ofertan no programa.

– Servizo de Audioloxía , consistente nunha revisión e valoración auditiva.

-Servizo de Podoloxía para prevención, diagnóstico e tratamento das principais patoloxías dos pés.

-Servizo de prevención do alzhéimer e outras demencias neurodexenerativas, consistente en realización de probas de valoración cognitiva.

Todas as persoas interesadas en participar neste programa poderán reservar a súa cita no teléfono 622748283, ou ben pasarse polo departamento de Servizos Sociais do Concello.

O día 4 de abril, as dez da mañá no Salón de Actos do Concello, haberá unha charla onde se explicará como se vai desenvolver o programa dentro do noso Concello

A unidade móbil dispón de acceso para persoas con mobilidade reducida e estará situada na praza do Concello, dende as 9 da mañá ata as 8 da tarde, en horario continúo, durante os días 4, 5 e 6 de abril.