Xove celebrará este vindeiro fin de semana, 10 e 11 de setembro, o Campionato de España de Bolo Celta na súa categoría de veteranos nos campos de bolos de Sumoas e de Lago.
Para este campionato vanse desprazar unha trintena de xogadores de toda España, maiormente de Asturias, Madrid e Galicia.
Prevese un gran nivel, xa que ainda que todos os xogadores son maiores de 58 anos, hai algúns que manteñen un nivel competitivo moi bo nos campeonatos de España senior.
Contarase coa presenza de varios xogadores que foron campeóns de España en categoría senior e mesmo co campión olímpico en Barcelona 92 (os bolos foron deporte de exhibición nestas olimpiadas).
O sábado xogaranse o campionato individual das categorías de Veterano (de 58 a 65 anos) e de Superveteranos (mais de 65 anos )
O domingo pola mañán xogarase o campeonato de parellas, as cales sairán dun clasificatorio que se fará o sábado para escoller as 8 mellores.
O club de Bolos Xove participa neste Campionato con 4 xogadores (3 en veteranos e 1 en superveteranos)