A Residencia San Bartomeu de Xove celebra durante estes día o mes do Alzheimer cunha serie de actos, entre os cales destaca o celebrado hoxe na Praza do Concello de Xove que contou coa asistencia dun grupo de residentes ao que se sumou un numeroso público.

Todo isto para celebrar que o 21 de setembro é o Día Mundial do Alzheimer. Durante o acto fíxoselle entrega ao Concello dunha árbore Ginko Biloba xunto coa súa placa identificativa.

A Ginko Biloba é unha árbore coñecida como árbore da memoria, xa que ten numerosas propiedades que facilitan a protección neurolóxica, e ten tamén fortes compoñentes antioxidantes.

É importar sinalar que neste acto se pediu seguir investigando esta enfermidade e afondando nas posibles solucións que poida ter.