EFE. Axentes da Garda Civil detiveron en Ribadeo a un mozo ao que sorprenderon cando supostamente realizaba pintadas nos vagóns de tren da liña de Ferrocarrís Españois de Vía Estreita (FEVE) que se atopaban na estación ribadense.

Segundo precisou a Benemérita, o arrestado é un rapaz de 21 anos de idade, que reside en Vigo.

A investigación dos axentes permitiu imputar tamén como investigado polas mesmas pintadas nos vagóns dos tranvías estacionados a un veciño de Vilavella, de 26 anos de idade.

DELITO DE DANOS

O detido e mailo investigado foron postos a disposición xudicial como supostos autores dun delito de danos.