IniciosociedadePolémica ao suxerir o Concello nun valado que a achega da Xunta...

Polémica ao suxerir o Concello nun valado que a achega da Xunta ao Pepe Barrera “non dá nin para pipas”

O goberno local aféalle ao Executivo galego nun cartel que non invista máis de 47.000 euros na remodelación do campo de fútbol, e o PP considérao "unha falta de respecto institucional"

Publicada o

- Advertisement -

O Concello de Ribadeo e mailo grupo municipal do PP polemizaron este luns despois de que o goberno local colocase un valado publicitario no que ironiza cunha bolsa de pipas sobre a achega da Xunta de Galicia á remodelación do campo de fútbol Pepe Barrera.

No cartel, o executivo municipal pregúntase “Canto custa volver gozar do fútbol?” e fai referencia á contía achegada por cada administración -235.000 euros por parte do Concello, 140.000 da Deputación de Lugo e 47.000 do Goberno galego-.

Deste xeito, enriba da contribución do ente provincial vese un balón, sobre o financiamento procedente das arcas municipais unhas botas, e a carón do gasto da Xunta unha bolsa de froitos secos, nunha referencia á expresión “non dá nin para pipas”.

O Concello de Ribadeo mostrouse en varias ocasións moi crítico co financiamento comprometido pola Xunta, e na propia sinatura do convenio, o pasado mes de agosto, reclamou unha maior axuda para o ambicioso proxecto de renovación do campo, que sofre de problemas graves no terreo de xogo, especialmente no tocante á drenaxe, polo que durante varios meses ao ano fica enlamado, dificultando a práctica do deporte.

VEGA RETA A SUÁREZ BARCIA A UN DEBATE SOBRE INVESTIMENTO PÚBLICO

O voceiro dos populares, Daniel Vega, considerou “unha falta de respecto institucional” o cartel e instou ao executivo municipal “a que pague do seu peto” o valado, “pois négome como ribadense a financialo”.

Vega retou publicamente ao alcalde de Ribadeo, o nacionalista Fernando Suárez Barcia, a un debate público sobre os investimentos e a xestión das administracións públicas. Así, cifrou en “3,4 millóns” a achega da Xunta no municipio.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...