IniciosociedadeRibadeo renumera vivendas na vila e nas parroquias para evitar devolucións de...

Ribadeo renumera vivendas na vila e nas parroquias para evitar devolucións de Correos

A última actualización data de 1996, cando se renovou o Padrón de Habitantes

Publicada o

- Advertisement -

O Concello de Ribadeo anunciou a través dun bando a contratación dun servizo de renumeración de vivendas tanto na vila como nas parroquias.

A medida parte da necesidade de fixar a cada casa o número que lle corresponde para evitar devolucións por parte do servizo estatal de Correos.

Segundo explica o alcalde de Ribadeo, o nacionalista Fernando Suárez Barcia, Correos “ten establecido como práctica institucional que cada carta ou paquete que adoeza dunha correcta dirección postal é devolta sen máis contemplacións”.

O rexedor sinala que este problema estase a producir “nalgunhas vías con existencia de duplicados”.

A última actualización da numeración das vivendas, segundo o goberno local, data do 1996, cando se renovou o Padrón de Habitantes.

CUSTO DE 9.000 EUROS

O custo do servizo será de 9.000 euros, procedentes de fondos propios. Suárez Barcia sinala que o traballo de campo está “avanzado”, pero que a empresa adxudicataria “irá a moitas vivendas, nas que se acreditará como é preciso”.

O rexedor solicita a colaboración dos propietarios para que non existan duplicados e se evite deste xeito a devolución das cartas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...