A Garda Civil detivo a dúas persoas, de 31 e 28 anos de idade, que supostamente accederon ao interior dun establecemento de hostalaría da localidade lucense de Barreiros na madrugada do pasado 13 de abril tras violentar a porta de entrada ao local.

Segundo trasladou o Instituto Armado, os agora detidos accederon ao local e subtraeron unha caixa de cobro automatizado que contiña “unha elevada cantidade de efectivo no seu interior” e “causando danos nas instalacións”.

Froito desta operación, denominada ‘Otike’, recuperouse a caixa de cobro, 3.000 euros que estaban en poder dos detidos e diversos obxectos adquiridos con parte do diñeiro subtraído. A investigación continúa aberta e non se descartan novas detencións