Os servizos de emerxencias rescataron este venres a dúas persoas que facían pádel surf na parroquia de reinante, entre as praias de Coto e das Catedrais, no municipio lucense de Barreiros.

Segundo trasladou o 112, un particular alertaba deste suceso á central de emerxencias sobre as 12,30 horas. Con esta información, os operadores do 112 deron aviso a Salvamento Marítimo, ao Servizo de Gardacostas de Galicia, á Garda Civil e aos voluntarios de Protección Civil de Barreiros.

A continuación, Gardacostas informaba da saída do helicóptero de rescate Pesca II, mentres que os socorristas de Barreiros saíron nunha zódiac, na que finalmente foron rescatadas ambas as persoas e levadas á praia de Arealonga en bo estado de saúde.