Un incendio forestal declarado este martes no municipio lucense de Barreiros quedou extinguido ás 17.28 horas tras queimar 0,86 hectáreas.
Segundo a información da Consellería de Medio Rural, este lume declarouse na parroquia de San Cosme de Barreiros ás 13.13 horas deste martes e quedou extinguido unhas catro horas despois. Nas tarefas para apagar o lume participaron sete motobombas, seis brigadas e tres axentes, detalla este mesmo departamento.
Pola súa banda, o Concello de Barreiros informou de que este lume obrigou a cortar a estrada que vai desde o Hotel Rías Altas (San Pedro) ata a rotonda de Barreiras (Cabarco) á altura do quilómetro 3, acceso á Fraga do Santo Estevo. Explicaba que nas tarefas tamén participaron efectivos municipais e bombeiros comarcais.
