Dúas persoas resultaron feridas esta tarde tras chocar un dos vehículos implicados, que circulaba en dirección contraria, contra outro coche na A-8, á altura de Barreiros.

Segundo informou o 112, foi un particular o que informou o accidente, ao redor das 17,30 horas no quilómetro 523 da A-8. Tamén sinalaba que un dos vehículos conducía en dirección contraria.

Os dous feridos son os condutores dos dous vehículos implicados. No operativo participaron o 061, a Garda Civil de Tráfico e o servizo de mantemento de estradas. Ademais, investígase o sucedido.