O Consorcio Provincial contra Incendios e Salvamento de Lugo informou de que o Parque de Bombeiros de Barreiros permanece pechado este domingo, 3 de decembro, por falta de efectivos.

En concreto, nunha nota de prensa, a Deputación indica que do catro efectivos previstos no cuadrante para esta xornada, pola mañá non se incorporaron tres (dous por baixa médica e un por permiso).

Ante esta situación, relata a institución provincial, avisouse aos suplentes “para poder cubrir os servizos mínimos”, pero “tampouco se incorporaron”, algo que cualifica de “irresponsabilidade do persoal”, que “obriga a deixar sen servizo as instalacións ata as 09,00 horas do luns”.

Así mesmo, explica que o Consorcio xa informou ao 112 de que as incidencias serán atendidas desde o Parque de Bombeiros de Viveiro ou desde o de Vilalba, en función do tempo de resposta.