O Concello de Barreiros, en colaboración coa Área de Cultura da Vicepresidencia da Deputación de Lugo, ofrece a exposición Kinético de trécola-xirapaus.
Unha exposición de xoguetes autómatas na que se poden atopar personaxes musicais que a partir de mecanismos xeran sons e ritmos, historias e contos que nacen co movemento dun manubrio ou dun pedal.
XIRA PAUS é un proxecto de Manu Taboada (xogueteiro da Chintofanería) e Ero Vázquez (titiriteiro e artesán de Trécola ) que xurdiu co propósito de dar e poñer en valor o universo dos autómatas.
A Exposición poderá visitarse este xoves, día 30 de setembro, no centro sociocultural de San Cosme en horario de 10.00 a 14.00 e de 17.00 a 20.00 horas.
PAKOLAS E PAULA ROMERO
Para o vindeiro domingo, 3 de outubro, actuarán no centro sociocultural de San Cosme ás 12:30 Pakolas e Laura Romero co espectáculo “Ti debuxas, eu c@nto”.
Unha función dirixida especialmente ao público máis novo da casa con música, contos e ilustracións. Está incluída no programa “Ler conta moito” da Rede de Bibliotecas Públicas de Galicia.
Ao contar con aforo limitado accederase o salón por orde de chegada e ata completar aforo.
