InicioOrientalBarreirosBarreiros leva a pleno o primeiro plan de igualdade para persoal municipal...

Barreiros leva a pleno o primeiro plan de igualdade para persoal municipal da provincia

"+ Igualdade: I Plan de Igualdade de Xénero para o cadro de persoal”, está deseñado para implementar unha serie de medidas nos vindeiros catro anos co obxectivo de garantir un Concello libre de discriminacións, desigualdades por razón de sexo e de violencia de xénero.

Publicada o

- Advertisement -

O Concello de Barreiros vén de dar luz verde na Comisión Negociadora de Igualdade ao documento “+ Igualdade: I Plan de Igualdade de Xénero para o cadro de persoal”, converténdose no primeiro municipio da provincia de Lugo que conta con un documento deste tipo a nivel interno, para o propio persoal municipal.

Con esta aprobación, que deberá ser ratificada no pleno que se celebrará mañá luns, Barreiros dará cumprimento á obriga legal establecida pola normativa estatal e galega, dentro do prazo establecido pola mesma; converténdose así na primeira administración local da provincia de Lugo en cumprir con tal requisito.

A concelleira de Igualdade, Montse Porteiro, explica que “esta iniciativa non responde só ao cumprimento dunha obriga legal, senón ao compromiso deste goberno municipal de dotar a Barreiros de políticas de igualdade. E, para iso – insiste- debemos ser exemplares e amosar que facemos realidade ese compromiso empezando pola propia casa.”

Este fito comprende o primeiro paso para traballar na dimensión interna da política local, incorporando a perspectiva de xénero na cultura organizativa e laboral do Concello. Deste xeito o Concello de Barreiros comprométese a implementar unha serie de medidas nos vindeiros catro anos co obxectivo de garantir un Concello libre de discriminacións, desigualdades por razón de sexo e de violencia de xénero.

PROCEDEMENTO PARTICIPATIVO DE GOBERNO E REPRENSENTANTES DE PERSOAL

A elaboración de dito plan iniciouse no mes de xullo de 2021, prolongándose durante varios meses para dar seguimento de todos os pasos legais que marca a normativa vixente en igualdade a nivel estatal e laboral. A finais do ano 2021 constituíuse a Comisión Negociadora de Igualdade, contando con representación legal do persoal laboral, do funcionariado e do Concello.

Tras a elaboración dun informe diagnóstico previo, que consistiu nunha revisión da xestión dos recursos humanos (a selección, o acceso, a promoción, a política salarial, a formación, as condicións laborais, a saúde laboral, a prevención do acoso sexual ou por razón de sexo, a ordenación do tempo traballado, a conciliación ou a corresponsabilidade), artellouse o documento no que se definen as medidas que tratan de eliminar calquera discriminación por sexo que se poida estar reproducindo no Concello.

O Plan ten unha vixencia de catro anos e abrangue a totalidade do cadro de persoal e todas as áreas do Concello. O documento foi elaborado de maneira consensuada, recolléndose opinións de todo o cadro de persoal mediante un cuestionario e entrevistas; negociando e validando todo o proceso no marco da comisión Negociadora, onde se conta ademais coa representación de CC.OO, UGT e CIG

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...