Camiñantes e Camiños de Barreiros organiza unha ruta a San Andrés de Teixido para o día 12 de novembro

O presidente do colectivo, José Manuel Gómez Puente, explica que “a ruta desenvolverase entre Cabo Ortegal e o santuario de San Andrés de Teixido. Son un total de 16 quilómetros”.


A asociación cultural de sendeirismo Camiñantes e Camiños de Barreiros organiza o vindeiro sábado, 12 de novembro, unha ruta a San Andrés de Teixido.

O presidente do colectivo, José Manuel Gómez Puente, explica que “a ruta desenvolverase entre Cabo Ortegal e o santuario de San Andrés de Teixido. Son un total de 16 quilómetros”.

Gómez Puente sinala que “para os que imos facer a ruta a pé a saída desde Cabo Ortegal será ás sete da mañá. E para os que vaian pasear será a partires das nove. Xa á unha do mediodía asistiremos á misa no santuario e ás tres teremos xantar nun restaurante da zona”.

E engadiu que “o prezo da viaxe é de 10 euros e o da comida de 15 euros. A hora prevista de chegada a Barreiros será ás sete da tarde”.

O presidente de Camiñantes e Camiños de Barreiros anima “a participar nesta ruta, que facemos no outono a San Andrés de Teixido. É un bo momento para compartir camiño, conversa e xantar”.

RESPOSTAR

Please enter your comment!
Please enter your name here