InicioOrientalRibadeoO Plan Único da Deputación de Lugo permite investir 700.000 euros en...

O Plan Único da Deputación de Lugo permite investir 700.000 euros en Ribadeo para o arranxo de camiños parroquiais

O edil de Medio Rural, Marcos Villamil, subliñou que “estámolo facendo a través do Plan Único que levamos a cabo conxuntamente o Concello de Ribadeo e mais a Deputación de Lugo".

Publicada o

- Advertisement -

O Concello realiza obras nos camiños das parroquias neste inicio de 2023. En total o investimento ascende a 700.000 euros, que son financiados a través do Plan Único da Deputación e con fondos propios municipais. Ata Cedofeita e Pastoriza se desprazaron nas últimas horas os concelleiros de Economía, Obras e Medio Rural, Pablo Vizoso, Mónica Freire e Marcos Villamil.

O edil de Medio Rural contou que “empezamos o ano traballando nas parroquias do noso concello coa mesma intensidade coa que rematamos o 2023. Nestes días estamos procedendo a mellorar e modernizar unha serie de camiños municipais en todas as parroquias”.

Marcos Villamil subliñou que “estámolo facendo a través do Plan Único que levamos a cabo conxuntamente o Concello de Ribadeo e mais a Deputación de Lugo. Para iso fixemos un enorme esforzo económico, ao igual que o estivemos facendo nestes anos para ir transformando e mellorando todas as nosas parroquias, tanto as da costa como as do Interior”.

O concelleiro ribadense lembrou que “a finais do 2022 estivemos en varios barrios de Covelas e da Devesa. E agora a principios deste ano estaremos nos barrios e parroquias de Vilausende, Cedofeita, Couxela, Ove, Vilaframil, Arante, As Anzas, Remourelle, Piñeira e Vilaselán. Só con este Plan Único xa estamos a investir uns 700.000 euros que se veñen sumar a cifras parecidas que levamos investido nestes anos, o que nos dá unha enorme satisfacción o feito de ver como están cambiando para ben os accesos aos nosos núcleos rurais”.

Villamil engadiu: “e sabendo como non, que temos un concello moi grande e aínda quedan moitos sitios por chegar, pero estamos no camiño para facelo, e sempre contando coas opinións do movemento asociativo veciñal”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...