InicioOrientalRibadeoO programa "As Parroquias en Marcha" do Concello de Ribadeo desenvolverase desde...

O programa “As Parroquias en Marcha” do Concello de Ribadeo desenvolverase desde xaneiro a xuño de 2023

A concelleira de Igualdade, Mónica Freire, sinalou que “as actividades vanse facer nas diferentes parroquias do noso concello. Son totalmente gratuítas”.

Publicada o

- Advertisement -

O Concello de Ribadeo organiza unha nova edición do programa As parroquias en marcha, que se desenvolverá do 30 de xaneiro ao 30 de xuño. Para participar nestas actividades de lecer as persoas interesadas poden obter máis información e inscribirse nas escolas das parroquias ou chamando ao teléfono 625 10 42 74.

A concelleira de Igualdade, Mónica Freire, explicou que “a veciñanza das parroquias de Ribadeo poderá asistir a actividades de memoria, obradoiros de novas tecnoloxías, cociña, xogos de mesa ou tertulias”.

A edil ribadense sinalou que “as actividades vanse facer nas diferentes parroquias do noso concello, tanto nas do interior como nas da costa. Son totalmente gratuítas e van comezar xa o 30 de xaneiro”.

Freire Rancaño engadiu que “se trata dun programa que ten moi boa acollida entre a veciñanza, de aí que lle deamos continuidade neste 2023. Desde o Concello de Ribadeo animamos a todas e a todos a participar”.

As actividades de lecer serán os luns en Vilela de 10 a 12 da mañá e en Remourelle de 18:30 a 20:30 horas da tarde; os martes en Cinxe de 10 a 12 e en Vilaselán de 18:30 a 20:30; os mércores en Rinlo de 16:00 a 18:00 horas e en Ribadeo de 18:30 a 20:30; os xoves en Ove de 10 a 12 e nas Anzas de 18:30 a 20:30; e os venres en Vilaframil de 10 a 12 horas; en Covelas de 16:00 a 18:00 horas e en Santalla de 18:30 a 20:30 horas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...