InicioOrientalRibadeoRibadeo pon en marcha os Talleres Creativos no Rural Actívate para persoas...

Ribadeo pon en marcha os Talleres Creativos no Rural Actívate para persoas maiores até o mes de agosto

O concelleiro Pablo Vizoso sinalou que “este programa buscará educar, entreter e integrar aos maiores do concello, favorecendo a súa motivación e a participación activa".

Publicada o

- Advertisement -

Os Talleres Creativos no Rural Actívate que organiza a Concellaría de Desenvolvemento Local a través do obradoiro de emprego Vilas Coidadoras, comezarán este sete de febreiro. Están dirixidos ao colectivo de persoas maiores de Ribadeo. Haberá actividades como ximnasia, risoterapia, pintura, lectura, talleres de modelado ou arxila e xogos de mesa. 

O edil de Desenvolvemento Local, Pablo Vizoso, contou que “o Concello de Ribadeo, a través do obradoiro de emprego Vilas coidadoras, e dentro deste a especialidade de Dinamización, Programación e Desenvolvemento de Accións Culturais, vai poñer en marcha o programa Actívate para ofrecer ao colectivo de persoas maiores. Vaise levar a cabo desde o mes de febreiro ata o mes de agosto”.

O concelleiro ribadense explicou que “este programa buscará educar, entreter e integrar aos maiores do concello, favorecendo a súa motivación e a participación activa, potenciando a conexión social e evitando os problemas que poden supoñer a soidade e o illamento. Para conseguir estes obxectivos impulsaranse varios talleres culturais que se impartirán nas distintas escolas parroquiais a través dos que as persoas asistentes terán a oportunidade de desfrutar de actividades como ximnasia, risoterapia, pintura, lectura, xogos de mesas, talleres de modelado ou de arxila”.

Vizoso Galdo engadiu que “as persoas interesadas poden inscribirse chamando ao teléfono 676 892 819 ou nas escolas das parroquias nas que irán atopando información sobre a temática e os horarios dos talleres que se impartirán e que irán cambiando mensualmente”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...