Investigan un veciño de Ribadeo por danos nun vehículo propiedade dunha muller coa que mantivo unha desavinza previa polo aparcadoiro do turismo ao que finalmente causou, supostamente, os danos.
Segundo informou a Garda Civil de Lugo, o home, de 36 anos, está investigado por un delito de danos por uns feitos que ocorreron nunha céntrica rúa desta localidade da Mariña.
Así, o relato policial sinala que o investigado realizou danos no lateral dun vehículo por “desavinzas previas” coa súa propietaria “a raíz do estacionamento” do turismo. As dilixencias foron remitidas ás autoridades xudiciais.