Alumnado de 4º da ESO do Colexio Sagrado Corazón, de Ribadeo, organiza un sorteo de premios valorados en máis de 1.500 euros co obxectivo de recadar fondos para a súa viaxe de fin de curso a París. Acisa colabora difundindo a iniciativa e acollendo devandito sorteo.

Nais e pais que colaboran con eles explican que “para recadar fondos, o alumnado do colexio Sacro Corazón, de Ribadeo, editaron unhas cartolinas con máis de 1.500 euros en premios. É un Goza Ribadeo a través da súa oferta gastronómica, deportiva e de lecer. Por só 2 euros cada persoa que cubra unha casa pode optar aos 30 premios conformados por menús degustación, ceas temáticas, aloxamento en hoteis, consumicións, experiencias de pádel, surf, golf, kaiaks, paseos pola ría ou motonáutica. Trátase dunha ampla oferta en todas as súas dimensións”.

E engaden que “o sorteo se realizará nas oficinas de Acisa o 31 de marzo. Os bonos poderanse recoller no local de Telepizza calquera día a partir da data do sorteo despois das 7 da tarde presentando a acreditación correspondente. Agradecemos enormemente a colaboración de Acisa, de Folder e do Concello de Ribadeo”.

Acisa colabora co alumnado do colexio Sagrado Corazón acollendo a celebración do sorteo, que será non presencial e a porta pechada. “Farase mediante un xerador de números aleatorios”, explican desde a directiva da asociación ribadense, que difunde esta campaña a través das súas redes sociais e dos medios de comunicación “debido a que moitos dos establecementos colaboradores co colexio Sacro Corazón son asociados e asociadas de Acisa”.